Shirer «Manchester Siti»ning «Arsenal» ustidan qozonilgan g'alabasidan so'ng o'z fikrini bildirdi

 20 APREL, 2026, 12:24

Mashhur sobiq hujumchi Alan Shirer Angliya Premer-ligasidagi chempionlik poygasi qanday yakunlanishi borasidagi prognozi bilan o'rtoqlashdi. «Manchester Siti» yakshanba kungi bahsda «Arsenal»ni mag'lubiyatga uchratdi (2:1).

Endilikda «kanonirlar»ning «shaharliklar»dan farqi bor-yo'g'i uch ochkoni tashkil etmoqda. Xosep Gvardiola jamoasi bitta kam o'yin o'tkazgan va agar chorshanba kuni «Byornli» mag'lub etilsa, ochkolar bo'yicha londonliklarga etib oladi.

"Siti" bu o'yinda g'alaba qozonishini ich-ichimdan sezgandim. Ularning ayni damdagi formasi va tajribasini inobatga olsak, chempionlik ularga nasib etadi deb taxmin qilaman. Gvardiola, Xoland va "Siti" muxlislariga qaraganingizda, ular ham xuddi shuni his qilayotgani seziladi", — deya Shirerning so'zlarini keltirmoqda NBC Sports.

«Arsenal» ketma-ket to'rtinchi mavsumni ikkinchi o'rinda yakunlash xavfi ostida turibdi. «Manchester Siti» esa so'nggi olti mavsum ichida beshinchi bor titulni qo'lga kiritishi mumkin.