«Yuventus»ga Levandovski emas, Bernardu Silva kerak»

 20 APREL, 2026, 12:06

Italiya terma jamoasining sobiq bosh murabbiyi Chezare Prandelli Bernardu Silva yoki Robert Levandovskining Turinning «Yuventus» klubi tarkibida paydo bo'lishi mumkinligi borasida o'z fikrini bildirdi. Mutaxassis portugaliyalik futbolchining nomzodi klub uchun mosroq deb hisoblaydi.

«Men Bernardu Silvani afzal ko'rgan bo'lardim. Birinchi navbatda "Yuve"da allaqachon Vlaxovich bor va Levandovski u qadar zarur emas», — deya Prandellining so'zlarini keltirmoqda Juvenews.eu.

Hozirda Robert Levandovski Kataloniyaning «Barselona» klubida, Bernardu Silva esa «Manchester Siti»da to'p surmoqda. «Yuventus»ning o'zi esa Italiya A Seriya turnir jadvalida to'rtinchi o'rinda bormoqda.