11 yillik noxush an'ana: «Arsenal» Manchesterda yana muvaffaqiyatsizlikka uchrashdi

 19 APREL, 2026, 23:48

«Arsenal» 11 yildan beri safarda «Manchester Siti»ni mag'lub eta olmayapti.

APLning 33-turi doirasida bo'lib o'tgan bugungi uchrashuvda Mikel Arteta jamoasi «Etixad» stadionida 1:2 hisobida imkoniyatni boy berdi.

«Arsenal» so'nggi bor 2015 yilning 18 yanvarida mehmonda «Manchester Siti» ustidan g'alaba qozonishga muvaffaq bo'lgan edi (2:0). Shundan beri londonliklar safardagi bahslarda «shaharliklar»ga 9 bor mag'lub bo'lishdi va 3 marta durang o'ynashdi.

Mavsum yakunlanishiga 5 tur qolganda «Arsenal» 70 ochko bilan APLda peshqadamlik qilmoqda. «Manchester Siti» esa bitta zaxira o'yiniga ega bo'lgan holda, ulardan 3 ochkoga ortda qolmoqda.