APLda chempionlik poygasi avjida: «Siti» va «Arsenal» o'rtasidagi farq minimal darajaga tushdi

 19 APREL, 2026, 22:42

APLning 33-turi yakunlariga ko'ra, «Manchester Siti» turnir jadvalida «Arsenal»ga yaqinlashib oldi. Pep Gvardiola shogirdlari bugun o'z maydonlarida «kanonirlar» ustidan 2:1 hisobida g'alaba qozonishdi.

Ayni damda «Arsenal» 70 ochko bilan turnir jadvalida peshqadamlik qilmoqda. «Manchester Siti» esa ulardan 3 ochko ortda qolgan holda ikkinchi o'rinda bormoqda, biroq «shaharliklar»da hali bitta zaxira o'yini mavjud.

Kuchli uchlikni 58 ochko bilan «Manchester Yunayted» yakunlab turibdi, «Aston Villa» ham xuddi shuncha ochko bilan 4-o'rinni egallab turibdi. «Liverpul» 55 ochko bilan 5-pog'onada borayotgan bo'lsa, 48 ochko jamg'argan «Chelsi» oltinchi o'rindan joy olgan.