APL. «Aston Villa» o'z uyida «Sanderlend»ni mag'lub etdi

 19 APREL, 2026, 20:36

«Aston Villa» APL 33-turi doirasida kechgan bahsda o'z maydonida «Sanderlend»dan ustun keldi — 4:3.

Mezbonlar safida Olli Uotkins dubl qayd etdi (2 va 36-daqiqalar), shuningdek, Morgan Rojders (46-daqiqa) va Temmi Abraham (90+3-daqiqa) bittadan gol urishga muvaffaq bo'lishdi.

Mehmonlardan esa Kristofer Rigg (9-daqiqa), Tray Xyum (86-daqiqa) va Uilson Isidor (87-daqiqa) o'z ismlarini tabloga yozdirib qo'yishdi.

Ushbu g'alabadan so'ng «Aston Villa» 58 ochko jamg'argan holda Angliya chempionati turnir jadvalida to'rtinchi o'rinni egallab turibdi. «Sanderlend» esa 46 ochko bilan 11-pog'onada bormoqda.