Levandovskining agenti «Yuventus» rahbariyati bilan uchrashadi

 19 APREL, 2026, 13:12

So'nggi haftalarda Robert Levandovskining ismi Italiya A Seriyasining top-klublari bilan bog'lanmoqda. La Gazzetta dello Sport nashri hujumchining kelajagi haqida maqola e'lon qildi.

Unda aytilishicha, polshalik futbolchining agenti Italiyaga yo'l olmoqda va u erda «Yuventus» rahbariyati bilan uchrashishi rejalashtirilgan. Shuningdek, 37 yoshli Levandovskiga Italiya chempionatining boshqa bir grandi — «Milan» ham qiziqish bildirmoqda.

Qayd etilishicha, Levandovskini o'z safiga qo'shib olish «Yuventus» uchun jozibador variant hisoblanadi. Shu bilan birga, Turin klubi shartnomasi iyun oyi oxirida yakuniga etadigan Dushan Vlaxovichning taqdiri bo'yicha bir qarorga kelishi kerak. Serbiyalik hujumchi jamoada qolishni istaydi, biroq klub shartnomani uzaytirish uchun haddan tashqari katta xarajatlarga qo'l urmoqchi emas.