Gvardiola "Arsenal"dan mag'lub bo'lsa, nima qilishini aytdi

 19 APREL, 2026, 10:48

«Manchester Siti» bosh murabbiyi Xosep Gvardiola Premer-liganing navbatdagi turida «Arsenal»ga qarshi kechadigan bahsdagi ehtimoliy muvaffaqiyatsizlikka qanday munosabat bildirishini aytib o'tdi.

Chempionlik unvoni uchun kurashdagi hal qiluvchi uchrashuv bugun «shaharliklar» maydonida bo'lib o'tadi, o'yin Toshkent vaqti bilan soat 20:30 da boshlanadi.

"Agar "Arsenal"ga yutqazib qo'ysak, men Mikel [Arteta]ning qo'lini siqib qo'yaman, keyin esa ular qolgan beshta turda mag'lubiyatga uchrab, chempionlikni bizga topshirishlarini so'rab duo qilaman. Menimcha, buning iloji yo'q, shuning uchun biz yuzma-yuz uchrashuvda g'alaba qozonish uchun bor kuchimizni ishga solamiz", — deya Gvardiolaning so'zlarini City Report keltirmoqda.

Ushbu hal qiluvchi jang oldidan «to'pchilar» «Siti»ni olti ochkoga ortda qoldirmoqda, biroq Manchester grandi ixtiyorida bitta zaxira o'yini mavjud.