«Chelsi» Entso Fernandesni sotishga tayyor, faqat...

 18 APREL, 2026, 12:00

Argentinalik yarim himoyachi Entso Fernandes joriy mavsum yakunlanganidan so'ng Londonning «Chelsi» klubini tark etishi mumkin. Bu haqda Guardian jurnalistlari xabar bermoqda.

Manbaning ma'lumotlariga ko'ra, «aristokratlar» rahbariyati yulduzli yarim himoyachining sotuvi bo'yicha takliflarni ko'rib chiqishga tayyor. Ingliz klubi Fernandesning transferidan taxminan 150 million evro ishlab olishni rejalashtirmoqda. Avvalroq matbuotda Entsoning Madridning «Real» klubiga o'tishi mumkinligi haqida mish-mishlar tarqalgan edi.

Angliya chempionatining joriy mavsumida 25 yoshli yarim himoyachi 30 ta uchrashuvda maydonga tushib, 8 ta gol va 3 ta golli uzatmani amalga oshirdi. Uning «Chelsi» bilan amaldagi shartnomasi 2032 yilning o'rtalarigacha mo'ljallangan.