Desayi: "Mbappe "Real"ga o'tib, o'z orzusini amalga oshirdi"

 17 APREL, 2026, 22:42

O'tmishning mashhur frantsuz futbolchisi Marsel Desayi hamyurti Kilian Mbappening faoliyati haqida o'z fikrlarini bildirib o'tdi.

Markaziy hujumchi 2024 yildan beri Madridning «Real» klubida to'p surib kelmoqda. U ushbu jamoaga Frantsiyaning «PSJ» klubidan o'tgan edi.

«O'ylaymanki, u "Real"ga o'tib, o'z orzusini amalga oshirdi. "PSJ"dan ketganidan keyingi boshlanish davri fantastik bo'ldi — barcha musobaqalarda 44 ta gol, bu shunchaki aql bovar qilmaydigan natija. Keyingi yili ham u "Real"da yuqori saviyada o'yin namoyish etdi», — dedi Desayi.

Joriy mavsumda Mbappe «qirollik klubi» safida 39 ta uchrashuvda ishtirok etib, o'z hisobiga 40 ta gol va 6 ta golli uzatmani yozdirib qo'ydi.