Arne Slotning o'rniga nomzod: «Liverpul» muxlislari Andoni Iraolani jamoada ko'rmoqchi

 17 APREL, 2026, 08:12

«Liverpul» jamoasi Chempionlar ligasida ikki o'yin davomida birorta ham gol ura olmay, musobaqani tark etganidan so'ng, klub Arne Slot bilan xayrlashishiga ko'pchilik shubha qilmayapti. Ammo uning o'rnini kim egallashi hozircha to'liq ma'lum emas.

Shu bilan birga, «Liverpul» muxlislarining o'z favoriti bor — forumlar va ijtimoiy tarmoqlarda eng ko'p hozirda «Bornmut»ni boshqarayotgan ispaniyalik mutaxassis Andoni Iraolaning ismi tilga olinmoqda.

Ta'kidlash joizki, Iraolaga shu hafta Chempionlar ligasidan chiqib ketgan yana bir klub — Madridning «Real» jamoasi ham qiziqish bildirmoqda. Eslatib o'tamiz, Andoni Iraola 2023 yildan beri «Bornmut» murabbiyi sifatida ishlab kelmoqda.