«Real» «yulduzlar»ni boshqara oladigan murabbiyni izlamoqda — El Mundo

 17 APREL, 2026, 07:18

Madridning "Real" lubi yangi bosh murabbiyni tanlash bo'yicha yo'nalishni belgilab oldi. Rahbariyat jamoa boshqaruvida katta tajribaga ega va xalqaro maydonda nufuzli mutaxassisni ko'rishni istamoqda. Bu haqda El Mundo xabar berdi.

Manba ma'lumotiga ko'ra, “qaymoqranglar” yosh murabbiylar variantini ko'rib chiqmayapti va tajribalarni davom ettirish niyatida emas. Asosiy e'tibor — yulduzlarga to'la jamoani boshqara oladigan va katta bosimga chidamli murabbiyga qaratilgan.

Muhokama qilinayotgan nomzodlar orasida Yurgen Klopp, Dide Desham, Lionel Skaloni, Joze Mourino va Maurisio Pochettino kabi mutaxassislar tilga olinmoqda, biroq ulardan qaysi biri tayinlanishi borasida hozircha aniqlik yo'q. Klubning asosiy maqsadi — Zinedin Zidanni qaytarish, ammo bu variant kam ehtimolli deb baholanmoqda.

Ayni paytda Alvaro Arbeloaning "Real Madrid" bilan shartnoma 2027 yil yozigacha amal qiladi.