Farioli «Portu» muxlislarini xursand qilishdan umidvor

 16 APREL, 2026, 19:30

«Portu» bosh murabbiyi Franchesko Farioli Evropa Ligasi chorak finali doirasidagi javob o'yini oldidan o'z fikrlarini bildirdi. Bugun, 16 aprel kuni Portugaliya klubi o'z maydonida Angliyaning «Nottingem Forest» jamoasini qabul qiladi.

Dastlabki uchrashuvda jamoalar 1:1 hisobidagi durangga imzo chekishgan edi.

«Biz «Portu» tarixida muhim sahifa ochish istagi bilan keldik. Maqsadimiz aniq — muxlislarimizni xursand qilish. Asosiy vazifamiz — mazmunli o'yin ko'rsatish va yuqori darajada to'p surish», — dedi Farioli.

Uchrashuvni niderlandiyalik Danni Makkeli boshchiligidagi hakamlar brigadasi boshqarib boradi. O'yin Toshkent vaqti bilan tungi soat 00:00 da boshlanadi.