"Tottenxem" himoyachisi muxlislarga murojaat qildi

 16 APREL, 2026, 16:54

Londonning «Tottenxem» klubi himoyachisi Destini Udoji jamoa muxlislariga murojaat qildi.

«Shunchaki bizga ishonishda davom eting. Vaziyat og'ir ekanini bilamiz, lekin biz, klub sifatida, buni o'zgartira olishimizni tushunib turibmiz. Siz faqat ishonishdan to'xtamang», — deya Udojining so'zlarini keltiradi Sky Sports News.

Eslatib o'tamiz, Angliya Premer-ligasining 32-turida «Tottenxem» safarda «Sanderlend»ga 0:1 hisobida imkoniyatni boy berdi va xavfli hududga tushib qoldi. Ayni damda «shporlar» 30 ochko bilan turnir jadvalida 18-o'rinni egallab turibdi.

Chempionatning 33-turida Roberto De Dzerbi shogirdlari «Brayton»ni qabul qiladi. O'yin 18 aprel kuni Toshkent vaqti bilan soat 21:30 da boshlanadi.