«Manchester Yunayted» Frattezini sotib olmoqchi

 16 APREL, 2026, 15:00

«Inter» yarim himoyachisi Davide Frattezi faoliyatini Angliya Premer-ligasida davom ettirishi mumkin. CaughtOffside nashrining xabariga ko'ra, 26 yoshli italiyalik futbolchiga «Manchester Yunayted» qiziqish bildirmoqda.

Mankunianliklar Frattezini jamoa tarkibini qayta qurishdagi asosiy figuralardan biri sifatida ko'rishmoqda.

Ma'lumot uchun, Davidening «Inter» bilan shartnomasi 2028 yilgacha mo'ljallangan. U joriy mavsumda 29 ta o'yinda maydonga tushib, 3 ta golli uzatmani amalga oshirgan. Transfermarkt futbolchini 22 million evroga baholamoqda.