Karvaxal hakamni haqorat qilgani uchun uzoq muddatga chetlatilishi mumkin

 16 APREL, 2026, 12:18

Madridning «Real» klubi himoyachisi Daniel Karvaxal Chempionlar ligasi chorak finali doirasidagi «Bavariya»ga qarshi kechgan bahs yakunida o'zini tutib tura olmadi.

Myunxendagi javob uchrashuvining 86-daqiqasida Eduardo Kamavinga maydondan chetlatilgani sababli «qaymoqranglilar» bir kishi kam bo'lib qolishdi. O'sha paytda tabloda madridliklar foydasiga 3:2 hisobi porlab turgan edi (ikki o'yin natijasiga ko'ra 4:4), biroq ish qo'shimcha bo'limlargacha etib bormadi: «Bavariya» son jihatdan ustunlikdan foydalanib, ikkita gol urdi va yarim finalga yo'l oldi. G'olib masalasi hal bo'lib ulgurgan vaziyatda, g'azab otiga mingan Karvaxal ochiqchasga hakam Slavko Vinchichga e'tiroz bildira boshladi: «Biz sening xatong tufayli musobaqadan chiqib ketyapmiz! Sening la'nati xatong tufayli!», — deya baqirdi o'yin davomida zaxirada qolgan ispaniyalik futbolchi.

Karvaxal diskvalifikatsiya qilinishi mumkin. Bundan avval ham 34 yoshli o'yinchi maydon tashqarisidagi tajovuzkor xatti-harakatlari uchun jazolangan edi.