«Og'zingni yop». Vinisius Bellingem bilan «Bavariya»ga qarshi o'yinda tortishib qoldi

 16 APREL, 2026, 11:24

Madridning «Real» jamoasi yarim himoyachisi Vinisius Junior Chempionlar ligasi chorak finali javob uchrashuvi davomida jamoadoshi Jud Bellingem bilan tortishib qoldi. Bu haqda Madrid Universal nashri X ijtimoiy tarmog'ida xabar berdi.

Manbaga ko'ra, Bellingem Vinisiusning unga uzatma bermaganidan norozi bo'lgan va jahli chiqqan. Bunga javoban braziliyalik futbolchi: «Nima xohlaysan? Og'zingni yop», — degan.

Ikki o'yin natijasiga ko'ra «Bavariya» 6:4 hisobida g'alaba qozonib, yarim finalga yo'l oldi. Myunxenliklar final yo'llanmasi uchun «PSJ»ga qarshi maydonga tushadi.

Avvalroq xabar qilinganidek, «Real» ketma-ket ikkinchi mavsum Chempionlar ligasi yarim finaliga chiqa olmadi. O'tgan mavsumda madridliklar ushbu bosqichda Londonning «Arsenal» jamoasiga (0:3, 2:1) mag'lub bo'lgan edi.