Arteta Bukayo Sakaning jarohati va qaytish muddati haqida gapirdi

 15 APREL, 2026, 23:18

Bukayo Saka jarohati tufayli «Arsenal»ning so'nggi bir nechta o'yinlarini o'tkazib yubordi. London jamoasi bosh murabbiyi Mikel Arteta futbolchining holati haqida ma'lumot berdi.

«U ancha vaqtdan beri axill payidagi muammo bilan o'ynab kelayotgan edi. Hozirda ijobiy o'zgarishlar bor va umid qilamanki, bu haftalar emas, balki kunlar masalasi. Saka tiklanish jarayonidagi yuklamalar ortishiga qanday reaktsiya bildirishini kuzatishimiz kerak», — deya Artetaning so'zlarini keltiradi Goal portali.

Chorshanba kuni «Arsenal» o'z maydonida Chempionlar ligasi doirasida «Sporting»ga qarshi bahs olib boradi. Bukayo Saka kutilganidek qaydnomaga kiritilmadi.