Kamoliddin Tojiev: «Avvalgi bahsda ko'p kuch yo'qotganimiz ikkinchi bo'limda sezildi»

 14 APREL, 2026, 10:24

"Mash'al" bilan uchrashuvdan keyin "Paxtakor" ustozi Kamoliddin Tojiev matbuot anjumanida qatnashdi.

"Birinchi bo'limda yaxshi harakat qildik. Ikkita to'p kiritdik. Tanaffusdan so'ng esa avvalgi bahsda ko'p kuch yo'qotganimiz sezildi. O'yin oxirlarida har ikki tomonda vaziyatlar bo'ldi. Bugun g'alabaga erishganimiz eng muhimi bo'ldi.

Mayda kubok bellashuvlarini o'tkazamiz. Unda terma jamoaga chaqiriladigan 7-8 nafar futbolchisiz maydonga tushamiz. Bu taqvimda belgilangan va o'ynashga majburmiz", — dedi Tojiev.