Karlush Keyrush JCh-2026 ishtirokchisining yangi bosh murabbiyiga aylandi

 14 APREL, 2026, 06:42

Gana futbol assotsiatsiyasi JCh-2026 oldidan portugaliyalik mutaxassis Karlush Keyrush milliy terma jamoa bosh murabbiyi etib tayinlanganini e'lon qildi.

73 yoshli mutaxassisning so'nggi ish joyi O'mon terma jamoasi bo'lib, u erni shu yilning mart oyida tark etgan edi. Bungacha Keyrush Qatar, Eron, Misr, Kolumbiya, Portugaliya, JAR, Saudiya Arabistoni va BAA terma jamoalarini boshqargan. Shuningdek, u Madridning «Real», Lissabonning «Sporting» klublarida bosh murabbiy bo'lib ishlagan va «Manchester Yunayted»da Aleks Fergyuson shtabidan joy olgan.

Keyrush Gana terma jamoasida Otto Addoni almashtirdi. Addo o'rtoqlik uchrashuvlarida Avstriya va Germaniyadan qabul qilingan mag'lubiyatlardan so'ng iste'foga chiqarilgan edi.

JCh-2026da Gana terma jamoasi «L» guruhida Angliya, Xorvatiya va Panama bilan kuch sinashadi.