Shaxmat. O'zbek grossmeysterlari soni yana bittaga oshdi!

 13 APREL, 2026, 21:54

Vatandoshimiz Humoyun Begmurodov Ispaniyada bo'lib o'tgan “V OPEN CHESS MENORCA 2026” turnirida ajoyib natija qayd etdi. U musobaqa davomida o'zining uchinchi grossmeysterlik normasini bajarib, 2500 reyting dovonidan ham oshib o'tdi.

Mazkur natija orqali Humoyun grossmeysterlik unvoni uchun barcha talablarni to'liq bajardi!

15 yoshli shaxmatchimiz musobaqani mag'lubiyatsiz yakunlab, 6,5 ochko to'pladi va muvaffaqiyatli ishtirokidan so'ng yurtimizga qaytdi.

Yangi grossmeysterimizni ushbu ulkan yutuq bilan samimiy tabriklaymiz!