Azamat Murzakanovga ilk mag'lubiyatni taqdim etgan Paulo Kosta uzr so'radi

 13 APREL, 2026, 11:32

Mayamidagi UFC 327 turnirida rossiyalik mag'lubiyatsiz sportchi Azamat Murzakanovni nokautga uchratgan Paulo Kosta jang oldidan aytgan keskin so'zlari uchun uzr so'radi.

"Men ruslar haqida bir nechta yomon gaplarni aytdim va endi bundan afsusdaman. Ulardan nafratlanmayman. SHunchaki mening so'zlarim noto'g'ri talqin qilindi. Albatta, men xatoga yo'l qo'ydim, bu mening aybim edi - men ruslardan nafratlanishimni aytdim, lekin aniq odamlar haqida gapirdim, masalan, to'liq rus emas, balki chechen bo'lganlar haqida, ammo bu bitta mamlakat. Aslida men ruslarni yaxshi ko'raman. Ular ajoyib odamlar, ularning bazilari bilan muloqot qilaman va birga mashg'ulot o'tkazaman. SHuning uchun meni kechiring, rus do'stlarim. Men sizning ketma-ket ikkinchi jangchingizni engdim va umid qilamanki, uchinchisi – chechen ochofati bo'ladi. Ko'ramiz, nima bo'lishini, lekin men bilan yarim og'ir vaznda jang qilishga jurati etadi deb o'ylamayman. Ammo u buni qilishni xohlasa, men shu erdaman", - dedi braziliyalik Kosta. 

Jangdan keyingi matbuot anjumanida jurnalistlardan biri Kosta tez orada kamar uchun davogarlar qatoriga kirishi mumkinligini takidladi, chunki yarim og'ir vazn toifasida yangi chempion Karlos Ulberg tadbirning asosiy jangida Irji Proxazkani nokautga uchratishidan oldin tizzasidan jarohat olgan edi. "Borrachina" bunga javoban yarim og'ir vazn toifasida qolishga tayyorligini bildirdi.

"Men shu erdaman. Agar Dana Uayt, Xanter Kempbell va Mik Meynard qiziqarli jang taklif qilishsa, men tayyorman. Men katta imkoniyatlarni qidiryapman. Katta, qiziqarli janglar, shov-shuvli qarama-qarshiliklar - men shuning uchun bu erdaman", - deb javob berdi braziliyalik sportchi.

Manba: olamsport.com