«Inter» ustozi Skudetto haqidagi savolga Konte va Allegri uslubida javob qaytardi

 13 APREL, 2026, 09:48

Milanning «Inter» klubi bosh murabbiyi Kristian Kivu Skudetto uchun kurashdagi hozirgi vaziyat haqidagi savolga javob berdi.

«Neradzurrilar» «Komo» ustidan irodali g'alabaga erishib (4:3), chempionlik sari navbatdagi qadamni tashladi. Kivu jamoasi mavsum yakuniinternalga olti tur qolganida «Napoli»dan 9 ochko, «Milan»dan esa 12 ochko oldinda bormoqda.

Jurnalistlar ruminiyalik mutaxassisdan chempionlik masalasi hal bo'ldimi, deb so'rashganida, u Antonio Konte va Massimiliano Allegrining ustidan engilgina hazil qildi.

«Men doimiy ravishda Chempionlar ligasi yo'llanmasini ta'minlash kerakligi haqida gapiradigan hamkasblarimdan o'rnak olaman. Shunday deyman: biz ushbu maqsadga yaqinlashganimizdan xursandmiz, ammo matematik jihatdan hali kuchli to'rtlikdan joy olishni kafolatlaganimiz yo'q», — dedi Kivu DAZN bilan suhbatda.

Navbatdagi turda «Inter» «Kalyari» bilan to'qnash keladi — bahs 17 aprel kuni bo'lib o'tadi.