"Inter" Komoda haqiqiy kambek qildi: 0:2 hisobi 4:3 ga aylandi!

 13 APREL, 2026, 09:32

Italiya Seriya Asining 32-turi doirasida peshqadam "Inter" mehmonda mavsum kashfiyotiga aylangan "Komo" jamoasiga qarshi maydonga tushdi.

"Djuzeppe Sinigalya" stadionida kechgan bahs muxlislarga haqiqiy drama va gollar shousini taqdim etdi. Uchrashuvni Davide Massa boshqarib bordi. O'yin mezbonlarning kutilmagan hujumlari bilan boshlandi. 

36-daqiqada Aleks Valle hisobni ochgan bo'lsa, 45-daqiqada Nikolas Pas "Komo"ning ustunligini ikkita to'pga oshirdi. Biroq, oradan hech qancha o'tmay Markus Tyuram bitta javob to'pini kiritib, "Inter"ni o'yinga qaytardi.

Ikkinchi bo'limda "neradzurri" to'liq ustunlikni o'z qo'liga oldi:

49-daqiqa: Markus Tyuram dubl qayd etib, muvozanatni tikladi.

58-daqiqa: Denzel Dumfris mehmonlarni hisobda oldinga olib chiqdi.

72-daqiqa: Dumfris ham o'z hisobiga ikkinchi golni yozdirib qo'ydi.

89-daqiqada Lukash Da Kunya penaltini aniq amalga oshirib, hisobni qisqartirgan bo'lsa-da, bu "Komo"ni mag'lubiyatdan qutqarib qola olmadi. Yakuniy hisob — 4:3, Milan klubi foydasiga.

Ushbu g'alabadan so'ng "Inter" 75 ochko bilan Seriya A jadvalida yaqqol peshqadamlik qilmoqda. "Komo" esa 58 ochko bilan 5-o'rinda qoldi.

Manba: olamsport.com