Paolo di Kanio «Inter»ni muddatidan oldin chempion deb e'lon qildi

 13 APREL, 2026, 09:18

Milanning «Inter» klubi asosiy raqobatchilari 32-turda yana ochko yo'qotganidan so'ng, italiyalik sobiq futbolchi Paolo di Kanio Kristian Kivu jamoasi Skudettoni qo'lga kiritishiga shubha qilmayapti.

"Odamlar: "Shoshma, mana "Napoli" keladi-da, hamma o'yinlarda g'alaba qozonadi", deyishayotgandi. "Napoli" esa aksincha — g'alaba qozona olmadi. Nima uchun hamma ular qolgan barcha o'yinlarda yutadi deb qaror qilgandi? Buni hech kim kafolatlamaydi. Hozir, "Inter" oradagi farqni to'qqiz ochkoga etkazgan bir paytda, men bu masalani yopiq deb hisoblayman", — deya sobiq futbolchining so'zlarini keltirmoqda fcinter1908.it.

Eslatib o'tamiz, o'tgan yili «Napoli» Italiya chempioni bo'lgan edi.