Paolo di Kanio: «APL — bu NBA, A Seriya esa shunchaki Italiya basketboli»

 13 APREL, 2026, 09:00

Italiyalik sobiq futbolchi Paolo di Kanioning fikricha, agar Federiko Keza Italiyaga qaytishga qaror qilsa, u mahalliy futbolda yana etakchiga aylanadi. Di Kanio futbolchining APLdagi qiyinchiliklarini Angliya chempionati darajasi A Seriyanikidan ancha yuqori ekanligi bilan izohladi.

«Agar u Italiyaga qaytsa va yana avvalgidek o'ynay boshlasa, hammamiz: "Mamma miya, nega unda Angliyada o'xshamadi?" deb hayron qolamiz. Chunki APL — bu NBA, A Seriya esa shunchaki Italiya basketbolidir», — deya di Kanioning so'zlarini keltirmoqda derbyderbyderby.it.

Eslatib o'tamiz, Italiya terma jamoasi safida 2021 yilgi Evropa chempioni bo'lgan Keza avvalroq Turinning «Yuventus» klubi sharafini himoya qilgan.