Bernardu Silva uchun «Barselona» bilan uchta Evropa klubi raqobatlashadi

 12 APREL, 2026, 15:06

«Manchester Siti» yarim himoyachisi Bernardu Silva mavsum yakunlanganidan so'ng erkin agentga aylanadi. «Shaharliklar» sardoriga anchadan beri «Barselona» qiziqish bildirib kelayotgan edi, biroq endi «ko'k-anorranglilar» Evropaning boshqa nufuzli klublari bilan jiddiy raqobatga kirishishlariga to'g'ri keladi.

Insayder Nikolo Skiraning ma'lumotlariga ko'ra, portugaliyalik futbolchini o'z safiga qo'shib olishni «Yuventus», «Galatasaray» va «Benfika» klublari istamoqda. Shuningdek, bu poygada Saudiya Arabistoni chempionati vakillari ham ishtirok etishmoqda.

Bernardu Silva 2017 yildan buyon «Manchester Siti» sharafini himoya qilib kelmoqda. Joriy mavsumda 31 yoshli xavbek Xosep Gvardiola jamoasi safida barcha turnirlarda 43 ta o'yinda maydonga tushib, 3 ta gol va 5 ta golli uzatmani o'z hisobiga yozdirib qo'ydi.