APL tarixida ilk bor braziliyalik futbolchi bir mavsumda 20+ gol urdi

 12 APREL, 2026, 12:00

24 yoshli braziliyalik hujumchi Igor Tiago APL tarixida bir mavsumda 20 ta gol urgan ilk braziliyalik futbolchiga aylandi. Bu haqda Opta Sports Telegram-kanali xabar bermoqda.

APL 32-turi doirasida kechgan «Everton»ga qarshi o'yinning 3-daqiqasidayoq «Brentford» hujumchisi penaltidan hisobni ochdi.

Tiagoga qadar birorta ham braziliyalik futbolchi bir mavsum davomida APLda 20 ta gol urishni uddalay olmagan edi. Tiago 2024 yilda «Bryugge»dan o'tganidan beri «Brentford» sharafini himoya qilmoqda. Hujumchi APL to'purarlari ro'yxatida faqatgina Xolanddan keyingi ikkinchi o'rinni egallab turibdi.