Brunu Fernandeshning «MYu»dagi kelajagi bitta muhim omilga bog'liq

 12 APREL, 2026, 12:00

«Manchester Yunayted» rahbariyati o'z kapitani Brunu Fernandeshni keyingi mavsum uchun jamoada saqlab qola olishiga ishonmoqda. Bu haqda futbol insayderi Fabritsio Romano o'zining Telegram-kanalida xabar bermoqda.

Jurnalistning ta'kidlashicha, Brunu Fernandeshning o'zi uchun hal qiluvchi omil — «MYu» bilan Chempionlar ligasida ishtirok etish imkoniyati bo'ladi.

Hozirda «Manchester Yunayted» 55 ochko bilan APL turnir jadvalida uchinchi o'rinni egallab turibdi. Brunu Fernandesh 2020 yilda «Sporting»dan o'tganidan beri mankunianliklar safida to'p surib kelmoqda.