Levon Aronyan: “Javohir Sindarovga xohlaganini qilishga yo'l qo'yib berishyapti”

 10 APREL, 2026, 20:18

Nomzodlar turnirida to'rt bor (2011, 2014, 2016 va 2018 yillarda) ishtirok etgan Levon Aronyan o'zbekistonlik shaxmatchi Javohir Sindarovning hozirgi o'yini haqida o'z fikrini bildirdi.

— Turnir biz kutgandek qiziqarli kechmayapti. Go'yo boshqa o'yinchilar asta-sekin taslim bo'lib, Sindarovga xohlaganicha o'ynashga imkoniyat berayotgandek.

Aronyan Sindarovning kuchli tomonlarini ham alohida ta'kidladi:
— U juda taktik, juda topqir o'yinchi. Eng muhimi, psixologik jihatdan juda barqaror. Agar unga o'ziga qulay pozitsiyalar berilsa, u ortga qaramaydi va ishonch bilan o'ynaydi.

U variantlarni qayta-qayta tekshirib o'tirmaydi, o'ziga ishonadi. Bu esa o'yinida yaqqol sezilib turadi.

Shuningdek, u Sindarovning shaxsiy fazilatlari haqida ham gapirdi:
— U juda samimiy va yoqimli inson. Iste'dodi esa hammaga ayon. Agar men amerikalik o'yinchilar uchun muxlislik qilmaganimda, albatta unga muxlislik qilgan bo'lardim.

Aronyan turnir oldidan Sindarovni yuqori baholaganini ham aytdi:
— Men uni “yashirin favorit” deb hisoblaganman. Asosiy favorit sifatida esa Fabiano Karuanani ko'rganman va hanuz shunday o'ylayman. Lekin ba'zan bitta mag'lubiyat hammasini o'zgartirib yuboradi.