"Arsenal" Jezusga narx belgiladi

 10 APREL, 2026, 17:24

Londonning «Arsenal» klubi bo'lajak transfer oynasida hujumchi Gabriel Jezus bilan xayrlashishi mumkin.

Braziliyalik futbolchiga Italiyaning «Milan» va «Yuventus» klublari qiziqish bildirmoqda. Avvalroq bir necha bor xabar berilganidek, «to'pchilar» rahbariyati joriy mavsum yakunlanganidan keyin uni qo'yib yuborishga tayyor. Arsenal Radar nashrining ma'lumotlariga ko'ra, London grandi hujumchi uchun taxminan 30 million funt sterling (34,5 million evro) talab qilmoqda. Taxminlarga ko'ra, Mikel Arteta futbolchini o'z jamoasining asosiy tarkibida ko'rmayapti.

Aprel oyi boshida Gabriel Jezus 29 yoshini qarshiladi. Uning «Arsenal» bilan amaldagi shartnomasi 2027 yilning o'rtalariga qadar mo'ljallangan.