Karrager "Liverpul"ning Parijdagi o'yinini keskin tanqid qildi
9 APREL, 2026, 11:30
"Liverpul"ning sobiq futbolchisi Jeymi Karrager jamoaning Chempionlar ligasi chorak finalining dastlabki bahsida "PSJ"dan uchragan mag'lubiyati (0:2) haqida o'z fikrini bildirdi.
Parijliklar o'z maydonlarida Dezire Due va Xvicha Kvaratsxeliyaning gollari evaziga g'alaba qozonishdi, biroq sobiq himoyachining so'zlariga ko'ra, ular ancha ko'p gol urishlari mumkin edi.
"0:2 hisobidagi mag'lubiyat — bunday o'yin uchun ajoyib natija. "PSJ" beshta yoki oltita gol urishi mumkin edi. Bugun jamoalar o'rtasida katta farq borligi ko'rindi. "Liverpul" quyi liga vakiliga o'xshab qoldi", – dedi Karrager CBS Sports studiyasida.
