"Barselona" UEFAga shikoyat qilmoqchi: Kataloniyaliklar "Atletiko" bilan o'yindagi hakamlikdan norozi

 9 APREL, 2026, 11:24

"Barselona" klubi Chempionlar ligasi chorak finalining "Atletiko" Madridga qarshi kechgan ilk o'yinidagi hakamlikdan norozi.

Chorshanba kuni bo'lib o'tgan uchrashuv "ko'k-anorranglilar"ning 0:2 hisobidagi mag'lubiyati bilan yakunlandi. 44-daqiqada mezbonlar himoyachisi Pau Kubarsi to'g'ridan-to'g'ri qizil kartochka oldi, ikkinchi bo'lim boshida esa hakam, kataloniyaliklarning fikricha, aniq penaltini belgilamadi: "matraschilar" himoyachisi Mark Pubil darvozabon Xuan Musso to'pni o'yinga kiritib bo'lgan vaziyatda qasddan qo'li bilan o'ynagan. Jurnalist Santi Ovallening xabar berishicha, "Barselona" hakamlikdan qattiq xafa va UEFAga rasmiy shikoyat qilish imkoniyatini jiddiy ko'rib chiqmoqda.

14 aprel kuni "Atletiko" maydonida javob bahsi bo'lib o'tadi.