Arauxo "Atletiko"dan uchralgan mag'lubiyat va Reshfordning imkoniyatlari haqida fikr bildirdi

 9 APREL, 2026, 11:18

"Barselona" markaziy himoyachisi Ronald Arauxo Chempionlar ligasi 1/4 finali doirasida Madridning "Atletiko" jamoasidan uchralgan mag'lubiyat (0:2) haqidagi fikrlari bilan o'rtoqlashdi.

Pau Kubarsi 44-daqiqada maydondan chetlatildi, 45-daqiqada esa Xulian Alvares jarima zarbasini golga aylantirdi. 70-daqiqada Aleksandr Syorlot kataloniyaliklar darvozasiga ikkinchi to'pni kiritdi.

"Qizil kartochka o'z ta'sirini ko'rsatdi, ammo bir kishi kam bo'lib qolgan bo'lsak-da, munosib kurashganimizni ta'kidlash joiz. Reshfordda ajoyib imkoniyatlar bo'ldi. Ehtimol, agar bitta gol urganimizda hammasi boshqacha kechishi mumkin edi, lekin o'zimizni ayblaydigan narsa yo'q. Biz bor kuchimizni berdik", – dedi Arauxo intervyuda.