"PSJ" darvozaboni jamoadagi ichki muhit haqida gapirdi

 9 APREL, 2026, 11:06

"PSJ"ning birinchi raqamli posboni, rossiyalik darvozabon Matvey Safonov jamoadagi asosiy tarkib uchun raqobatchisi — frantsiyalik Lyuka Shevale bilan munosabatlari haqida to'xtalib o'tdi.

"Biz yagona darvozabonlar jamoasimiz. Hamma o'yindan oldin bir-biriga omad tilaydi, g'alabadan keyin esa tabriklaydi. Bu normal holat, jamoada aynan shunday bo'lishi kerak", — deya fikr bildirdi rossiyalik futbolchi Okko efirida.

Chorshanba kuni, 8 aprel sanasida "PSJ" UEFA Chempionlar ligasi chorak finali doirasida "Liverpul"ga qarshi dastlabki bahsni o'tkazdi. Luis Enrike shogirdlari o'z uylarida 2:0 hisobidagi g'alabani bayram qilishdi.

Qarama-qarshilikning javob uchrashuvi kelasi hafta Liverpulda bo'lib o'tadi.