Noyer Messiga etib oldi

 8 APREL, 2026, 01:00

«Bavariya» darvozaboni Manuel Noyer Chempionlar ligasi chorak finali doirasidagi «Real»ga qarshi uchrashuvni asosiy tarkibda boshladi.

Germaniyalik posbon uchun bu Myunxen klubi safida Chempionlar ligasi bahslarini asosiy tarkibda boshlagan 136-o'yini bo'ldi. Ushbu ko'rsatkich bo'yicha u «Barselona» sobiq hujumchisi Lionel Messi bilan tenglashib oldi. Bu borada rekord «Real»ning sobiq darvozaboni Iker Kasilyasga tegishli bo'lib, uning hisobida 149 ta o'yin bor.

40 yoshli Noyer shu kungacha «Bavariya» libosida jami 591 ta uchrashuvda maydonga tushgan.