"Liverpul" "Real" yulduzi uchun 70 mln funt sarflashga tayyor

 7 APREL, 2026, 20:36

Angliyaning "Liverpul" klubi 23 yoshli frantsiyalik yarim himoyachi Eduardu Kamavinga bilan shartnoma imzolashga da'vogarlik qilmoqda. Bu haqda futbol insayderi Sasha Tavoleri yozmoqda.

Avvalroq "Real" Kamavingani transferga qo'ygani ma'lum bo'lgan edi. Madridliklar yozgi transfer oynasida futbolchi bo'yicha har qanday taklifni ko'rib chiqishga tayyor.

Kamavinga 2022 yilda "Renn"dan "Real"ga o'tgan edi. Ushbu mavsumda yarim himoyachi klub safida 35 ta o'yin o'tkazib, 2 ta gol urdi va 1 ta golli uzatmani amalga oshirdi.