Slot «Liverpulda» qolmasligi mumkin

 7 APREL, 2026, 19:18

Arne Slot kelgusi mavsumda «Liverpul» bosh murabbiyi lavozimida ishlamasligi ehtimoli yuqori. Bu haqda jurnalist Romen Molinaga tayanib The Touchline xabar bermoqda.

Qayd etilishicha, «Liverpul» Slot o'rniga asosiy nomzod sifatida Xabi Alonsoni ko'rib chiqmoqda. Alonso «Real»dan ketganidan beri, taxminan uch oydan beri ishsiz yuribdi. Xabi Alonso 2004-2009 yillarda «Liverpul»da futbolchi sifatida to'p tepgan.

Hozirda «Liverpul» Premer-liga turnir jadvalida beshinchi o'rinda bormoqda. Shanba, 11 aprel kuni Arne Slot jamoasi o'z uyida «Fulxem»ga qarshi chempionat o'yinini o'tkazadi.