Klublar o'zi tarbiyalangan futbolchilari sotuvidan qancha daromad topgani aniq bo'ldi — CIES

 7 APREL, 2026, 09:12

Xalqaro sport tadqiqotlari markazi (CIES) ma'lumotiga ko'ra, Angliya klublari so'nggi 10 yil davomida o'z tarbiyalanuvchilarini sotishdan 4,37 milliard evro daromad topgan.

Bu borada ikkinchi pog'onani Frantsiya egallagan bo'lsa, Ispaniya kuchli uchlikka kirdi. Shuningdek, Braziliya va Italiya klublari bu borada top-5 ga kirdi.

Turli mamlakatlar klublarining o'z tarbiyalangan futbolchilari sotuvidan 10 yil ichidagi daromadi (CIES ma'lumotiga ko'ra):

1. Angliya — €4,37 mlrd
2. Frantsiya — €3 mlrd
3. Ispaniya — €2,28 mlrd
4. Braziliya — €2,24 mlrd
5. Italiya — €1,76 mlrd
6. Germaniya — €1,64 mlrd
7. Portugaliya — €1,55 mlrd
8. Rossiya — €0,17 mlrd

UEFA mezonlari bo'yicha tarbiyalangan futbolchilarga klublar strukturasida 15 yoshdan 21 yoshgacha bo'lgan va uch yildan ortiq faoliyat yuritgan barcha futbolchilar kiritiladi.