«Hech qachon taslim bo'lma». «Manchester Siti» Husanovning Salohga qarshi o'yinini e'tirof etdi (video)

 6 APREL, 2026, 22:18

«Manchester Siti»ning Instagram'dagi sahifasi O'zbekistonlik himoyachi Abduqodir Husanov ishtirok etgan epizodga munosabat bildirdi. Bu holat Angliya kubogi chorak finalida «Liverpul»ga qarshi uchrashuvda (4:0) sodir bo'ldi.

O'yin epizodlaridan birida Husanov «Liverpul» hujumchisi Muhammad Salohga qarshi jonkuyarlik bilan kurashdi va jamoasini goldan qutqarib qoldi.

«Hech qachon taslim bo'lma», — deb yozdi «Manchester Siti» Instagram sahifasi va O'zbekiston bayrog'i emodzisini qo'shdi.

Eslatib o'tamiz, «Manchester Siti» «Liverpul»ni yirik hisobda mag'lub etdi. Ushbu o'yinda Erling Xoland xet-trikka erishdi, Antuan Semeno esa yana bir golga mualliflik qildi.

Yarim finalda Angliya kubogi doirasida «Manchester Siti» «Sautgempton»ga qarshi maydonga tushadi.