"Al-Ittihod" rossiyalik futbolchiga qiziqish bildirmoqda

 6 APREL, 2026, 18:42

Rossiyalik futbolchi Aleksandr Golovin o'tgan mavsumda Pro-liga chempioniga aylangan "Al-Ittihod" klubining qiziqishlar doirasiga tushdi.

"Legalbet" nashrining xabar berishicha, Saudiya klubi "Monako" a'zosini diqqat bilan kuzatib bormoqda. Qayd etilishicha, Yaqin Sharqdagi keskin vaziyatga qaramay, klub Evropaning top-chempionatlaridagi qimmatbaho o'yinchilarni kuzatishda davom etmoqda.

Golovin etti yildan ortiq vaqtdan beri monegasklar sharafini himoya qilib kelmoqda. U klub safida jami 263 ta o'yin o'tkazib, 39 ta gol urdi va 46 ta golli uzatmaga mualliflik qildi. Golovinning "Monako" bilan mehnat shartnomasi 2029 yilning o'rtalariga qadar amal qiladi, uning transfer qiymati esa 18 million evroga baholanmoqda.