Due: «Biz yana Chempionlar Ligasida g'olib chiqa olamiz»

 6 APREL, 2026, 12:30

«PSJ» hujumchisi Dezire Due jamoaning Chempionlar Ligasidagi istiqbollari haqida gapirib o'tdi. Futbolchining so'zlariga ko'ra, parijliklar yana «shalpangquloq kubok»ni qo'lga kiritishlari mumkin.

«Biz yana Chempionlar Ligasida g'olib chiqa olamiz. Biz yana tarixga kirishni istaymiz», — deya Duening so'zlaridan iqtibos keltirmoqda Telefoot.

Chempionlar Ligasi chorak finalida «PSJ» «Liverpul» bilan to'qnash keladi. Jamoalar o'rtasidagi dastlabki o'yin kelayotgan chorshanba, 8 aprel kuni Parijda bo'lib o'tadi. Javob uchrashuvi esa olti kundan keyin — 14 aprelga belgilangan.