Brunu Fernandesh «MYu»ga o'zining o'rinbosarini topib berdi

 6 APREL, 2026, 04:06

«Vest Xem» yarim himoyachisi Mateush Fernandesh faoliyatini «Manchester Yunayted»da davom ettirishi mumkin.

The Sun nashrining xabariga ko'ra, Brunu Fernandesh «qizil iblislar» rahbariyatiga 21 yoshli portugaliyalik futbolchini o'zining uzoq muddatli o'rinbosari sifatida sotib olishni maslahat bergan. Agar «bolg'achilar» Angliya Premer-ligasini tark etadigan bo'lsa, transfer summasi pasayishi mumkin.

Mateush Fernandesh 2025 yilda «Sautgempton»dan «Vest Xem»ga 44 million evro evaziga o'tgan edi. Uning London klubi bilan shartnomasi 2030 yilning 30 iyuniga qadar mo'ljallangan. Joriy mavsumda yarim himoyachi «bolg'achilar» safida barcha turnirlarda 30 ta o'yinda maydonga tushib, o'z hisobiga 3 ta gol va 3 ta golli uzatmani yozdirib qo'ydi.