«Liverpul» Tillman bilan shartnoma imzolamoqchi

 5 APREL, 2026, 15:54

Angliyaning «Liverpul» klubi 23 yoshli amerikalik yarim himoyachi Malik Tillmanni o'z safiga qo'shib olishga qiziqish bildirmoqda. Bu haqda Sports Boom nashri xabar bermoqda.

Manbalarning ta'kidlashicha, mersisaydliklar futbolchi uchun 60 million funt to'lashga tayyor. Qayd etilishicha, Tillmanning o'zi ham APLga o'tish fikridan ruhlangan va «Liverpul» bilan shartnoma imzolashga umid qilmoqda.

Malik Tillman 2025 yilda PSVdan o'tganidan beri Leverkuzenning «Bayer» jamoasida to'p surmoqda. Joriy mavsumda futbolchi klub safida 35 ta o'yinda maydonga tushib, 8 ta gol urishga muvaffaq bo'ldi.