Habib Nurmagomedov "Atletiko" va "Barselona" o'yiniga tashrif buyurdi va madridliklardan sovg'a oldi

 5 APREL, 2026, 15:00

37 yoshli afsonaviy rossiyalik jangchi Habib Nurmagomedov 4 aprel kuni La Liganing 30-turidan o'rin olgan "Atletiko Madrid" hamda "Barselona" (1:2) o'rtasidagi uchrashuvni stadiondan kuzatdi.

Habib o'yinga taklif qilgani uchun madridliklarga minnatdorchilik bildirdi va "Atletiko" tomonidan berilgan sovg'a — 7-raqam tushirilgan nominal futbolqa suratini ijtimoiy tarmoqlarga joylashtirdi.

Uchrashuv Madriddagi "Metropolitano" stadionida bo'lib o'tdi. Maydon egalaridan Juliano Simeone gol urgan bo'lsa, kataloniyaliklarga g'alabani Markus Rashford va Robert Levandovskining gollari taqdim etdi.