Flik Dani Olmoning yangi roli haqida gapirdi

 5 APREL, 2026, 12:54

«Barselona» bosh murabbiyi Xans-Diter Flik «Atletiko»ga qarshi kechgan bahsda (2:1) Dani Olmoning markaziy hujumchi pozitsiyasidagi o'yini haqida o'z fikrlari bilan o'rtoqlashdi.

«Levandovski Jahon chempionati saralash bosqichida ikkita o'yin o'tkazgan edi, shu sababli biz Olmoni tushirishga qaror qildik. Olmo bizning tarkibda ushbu pozitsiyada ikki bor to'p surdi va juda yaxshi o'yin ko'rsatdi», — deya Flikning so'zlarini keltiradi Barça Universal.

Joriy mavsumda 27 yoshli yarim himoyachi barcha musobaqalarni inobatga olganda 39 ta uchrashuvda ishtirok etib, raqiblar darvozasini sakkiz bor ishg'ol qildi va ettita golli uzatmani amalga oshirdi.