«Siti» va «Yunayted» Andersonni qo'lga kiritmoqchi

 5 APREL, 2026, 12:24

«Manchester Yunayted» va «Manchester Siti» klublari «Nottingem Forest» yarim himoyachisi Elliot Anderson uchun kurash olib bormoqda.

Har ikki klub ham 23 yoshli ingliz futbolchisi bo'lajak jahon chempionatida muvaffaqiyatli ishtirok etsa, unga bo'lgan talab yanada oshib ketishidan xavfsiramoqda. Shu sababli, ular kelishuvni imkon qadar tezroq hal qilishga umid qilishmoqda, deb xabar bermoqda The Sun. Ehtimoliy transfer qiymati taxminan 100 mln funt sterlingni (qariyb 115 mln evro) tashkil etishi mumkin.

Avvalroq xabar berilganidek, Anderson uchun kurashda «Manchester Siti» favorit hisoblanmoqda. «Qizil iblislar» esa, o'z navbatida, «o'rmonchilar» yulduziga muqobil variant sifatida «Nyukasl» a'zosi Sandro Tonalini ko'rib chiqishmoqda.