«Milan» yulduzi «Napoli»ga qarshi o'ynashga tayyor

 5 APREL, 2026, 08:48

Angliyalik yarim himoyachi Ruben Loftus-Chik jarohat asoratlaridan forig' bo'ldi va «Milan»ning navbatdagi o'yinida maydonga tushishga tayyor. Buni Italiya klubi ustozi Massimiliano Allegri ham tasdiqladi.

«Hammasi joyida, Loftus-Chik ham o'ziga kelib oldi. Hozirda Gabbiyadan tashqari barcha futbolchilar safda, uning qaytishi esa bir haftadan keyin amalga oshadi», — deya Allegrining so'zlarini keltirmoqda pianetamilan.it.

Eslatib o'tamiz, A Seriya turnir jadvalida «Milan» o'z hamshaharlari «Inter»ni ta'qib qilmoqda — hozirda jamoalar o'rtasidagi farq olti ochkoni tashkil etadi. Italiya chempionatining navbatdagi turida «Milan» «Napoli»ga qarshi bahs olib boradi.