SPL. «Al-Hilol» o'z maydonida «At-Taavun» bilan durang o'ynab, ochko yo'qotdi

 5 APREL, 2026, 02:18

Saudiya Pro-Ligasining 27-turidan o'rin olgan «Al-Hilol» va «At-Taavun» jamoalari o'rtasidagi uchrashuv yakunlandi. Jamoalar Ar-Riyoddagi (Saudiya Arabistoni) «Kingdom Arena» stadionida bahs olib borishdi. Uchrashuvni portugaliyalik bosh hakam Luish Godinyu boshqarib bordi. O'yin 2:2 hisobidagi durang bilan yakunlandi.

Uchrashuvdagi ilk golni 43-daqiqada mezbonlar hujumchisi Mohamed Kader Meyte kiritdi. Ikkinchi bo'limning 56-daqiqasida «At-Taavun» himoyachisi Andrey Jirotto muvozanatni tikladi. 67-daqiqada Jirotto dubl qayd etdi. Oradan 10 daqiqa o'tib, «Al-Hilol» hujumchisi Markos Leonardo hisobni 2:2 ko'rinishiga keltirdi.

Shu tariqa, «Al-Hilol» 27 ta o'yindan so'ng 65 ochko jamg'ardi va turnir jadvalida ikkinchi o'rinni egallab turibdi. «At-Taavun» esa 46 ochko bilan beshinchi pog'onadan joy olgan.