«Sautgempton» ustozi «Arsenal»ning zaif tomonlarini topganini aytdi

 4 APREL, 2026, 13:30

«Sautgempton» bosh murabbiyi Tonda Ekkert Angliya Kubogi chorak finali doirasida Londonning «Arsenal» klubiga qarshi bo'lib o'tadigan uchrashuv haqida o'z fikrlarini bildirdi.

Uchrashuv bugun, 4 aprel kuni bo'lib o'tadi va Toshkent vaqti bilan soat 00:00 da boshlanadi.

"Arsenal" — o'yin borasida ko'plab echimlarga ega bo'lgan kuchli jamoa. Biroq biz ularning bir nechta zaif nuqtalarini topdik va ulardan foydalanishimiz mumkin. Endi buni maydonda isbotlashimiz kerak", — dedi Ekkert o'yin oldidan.

Joriy mavsumda «Sautgempton» Chempionshipda ishtirok etmoqda. Angliyaning ikkinchi divizionida 40 ta turdan so'ng «avliyolar» 63 ochko bilan turnir jadvalida ettinchi o'rinda borishmoqda.