Lyuka Ernandes: "Liverpul" bilan o'yinni intiqlik bilan kutyapmiz"

 4 APREL, 2026, 08:54

«Pari Sen-Jermen» himoyachisi Lyuka Ernandes Chempionlar ligasi doirasida «Liverpul»ga qarshi bo'lib o'tadigan bahs oldidan o'z kutilmalari bilan o'rtoqlashdi.

Chorshanba kuni Luis Enrike shogirdlari o'z maydonlarida 1/4 finalning dastlabki uchrashuvida «qizillar»ni qabul qilishadi. Javob o'yini esa 14 aprel kuni Angliyada bo'lib o'tadi.

"Liverpul" bilan o'yinni intiqlik bilan kutyapmiz. Biz tayyormiz va o'z kuchimizga ishonamiz. Barcha futbolchilarimiz o'zlarini ko'rsatishga intilishmoqda, bu juda muhim — jamoaga har bir o'yinchining hissasi zarur", — dedi Ernandes juma kuni Liga 1 doirasida «Tuluza» ustidan qozonilgan g'alabadan (3:1) so'ng.